Білім министрлігі әзірлеген Бірыңғай тәрбие жұмысы бағдарламасы оқушылармен, ата-аналармен және қоғаммен идеологиялық жұмысты жандандыруға бағытталған — Ата-аналарды педагогикалық қолдау орталықтары. Бұл орталықтардың басты басымдығы – отбасы мен мектеп арасындағы өзара әрекеттестікті нығайту, балаларды оқыту мен тәрбиелеуде бірлескен жұмысты күшейту, позитивті ата-аналық мәдениетті дамыту.
2025 жылғы түлектердің ата-аналарымен, атап айтқанда 11“В” сыныптың сынып жетекшісі Сыдыкова Динара Жолдасовна ата-аналар жиналысын “Педагогикалық қолдау орталығы” ретінде өткізді. Жиналыс аясында «Біздің үй» атты командалық жұмыс ұйымдастырылды. Бұл ойында ата-аналар екі топқа бөлініп, маркерге қол тигізбей, тек жіптердің көмегімен үй салады. Егер мектеп ұжымында әркім өз жібін өзіне тартып, өзгелерді тыңдамаса, бұл мектеп пен отбасы арасындағы қарым-қатынасқа кері әсер етеді деген ой жеткізілді. Мақсаты: мектеп пен отбасы арасындағы өзара әрекеттестікті жақсарту.
«Күлімде, сонда күлкі саған қайта оралады» тренингінде қатысушылар бір-біріне қол беріп, комплимент айтып, тілектерін білдірді. Мақсаты: ұжым мүшелерінің арасында жағымды қарым-қатынас орнату.
«Өмірге жолдама» бөлімінде ата-аналарға қағаздан ұшақ жасап, тақтадағы нысанаға дәл түсіру ұсынылды. Барлық ата-ана дәл тигізе алмаған соң, қазіргі таңда олардың балалары да өмір жолын, мамандығын таңдау сияқты маңызды әрі күрделі шешім қабылдау алдында тұрғаны түсіндірілді. Мақсаты: түлектердің алдында тұрған маңызды таңдау мен жауапкершілікті көрнекі түрде жеткізу.