23.02.2026 ж. 11-сынып оқушыларына ҰБТ бойынша түсіндіру жұмысы туралы ақпарат
2026 жылғы 23 ақпан күні 11-сынып оқушыларымен Ұлттық бірыңғай тестілеуге (ҰБТ) дайындық мәселелері бойынша түсіндіру жұмысы өткізілді. Кездесуді «Talimgер әдістемелік орталығы» үйлестірушісі және Ы.Алтынсарин атындағы Ұлттық білім академиясы Маңғыстау облысы бойынша өкілі Сисенов Әбілхаир жүргізді.
Кездесу барысында қарастырылған мәселелер:
- 2026 жылғы ҰБТ-ның форматы мен құрылымы;
- Міндетті және бейіндік пәндер бойынша тест тапсырмаларының ерекшеліктері;
- ҰБТ өткізу ережелері мен талаптары;
- Тестілеу кезінде тыйым салынған заттар;
- Апелляция беру тәртібі;
- Грант конкурсына қатысу шарттары.
Маман оқушыларға тестілеу барысында уақытты тиімді пайдалану, психологиялық дайындық және пәндер бойынша жүйелі қайталау жұмыстарын жүргізу жөнінде кеңестер берді. Сонымен қатар, талапкерлердің құқықтары мен міндеттері түсіндірілді.
Кездесу соңында оқушылар өздерін толғандырған сұрақтарын қойып, нақты жауаптар алды. Түсіндіру жұмысы оқушылардың ҰБТ-ға деген сенімділігін арттырып, жауапкершілігін күшейтуге бағытталды.
