2025 жылғы 11 қазан күні сағат 12:30-да Оқушылар сарайын да «Bіlіm jane bolashaq» атты халықаралық білім беру көрмесі өткізілді. Көрменің мақсаты — мектеп бітіруші түлектерге жоғары оқу орындары жайлы толық мағлұмат беріп, мамандық таңдауда бағыт-бағдар көрсету болды.
Аталған іс-шараға мектебіміздің 11-сынып оқушыларынан 30 оқушы таңдалып, көрмеге қатысып қайтты.
Көрме барысында оқушыларға түрлі жоғары оқу орындарының өкілдері ақпарат берді. Атап айтқанда, көрмеге келесі университеттер қатысты:
Zhubanov University,
Халықаралық инженерлік технологиялық университет,
Семей медициналық университеті,
Kazpotrebsoyuz University,
МТИ (Мәскеу технологиялық институты),
TURAN-Astana университеті.
Көрмеде оқушылар университет өкілдерінен оқу бағдарламалары, грант мүмкіндіктері, қабылдау талаптары туралы толық ақпарат алып, өздеріне ұнаған оқу орындарымен танысты.
Іс-шара оқушыларға үлкен әсер қалдырып, олардың болашақ мамандық таңдаудағы қызығушылығын арттырды.
