2026 жылғы 23 сәуір күні №17 жалпы білім беретін мектепте мектеп инспекторы, кәмелетке толмағандар істері жөніндегі учаскелік полиция инспекторы, полиция лейтенанты Хожамуратов С. тарапынан 5-сынып білім алушыларына «Бейтаныс адамның шақыруынан қалай сенімді және қауіпсіз бас тартуға болады?» тақырыбында дәріс өткізілді.
Іс-шараның мақсаты – оқушыларды бейтаныс адамдармен қарым-қатынас жасау ережелерімен таныстыру, олардың қауіпсіздік дағдыларын қалыптастыру және бейтаныс адамдарға сенбеу қажеттігін түсіндіру болды.
Дәріс барысында оқушыларға бейтаныс адамдардың түрлі айла-тәсілдері, қауіпті жағдайлар және олардан сақтану жолдары түсіндірілді. Сонымен қатар, күмәнді жағдайларда «жоқ» деп нақты жауап беру, қауіпсіз орындарға бару, үлкендерден көмек сұрау және ата-аналар мен мұғалімдерге бірден хабарлау қажеттігі айтылды.
Инспектор Хожамуратов С. балаларға жеке қауіпсіздік ережелерін сақтаудың маңыздылығын атап өтіп, өмірде кездесуі мүмкін түрлі жағдайларға мысалдар келтірді. Оқушылар өз сұрақтарын қойып, белсенді түрде пікір алмасты.Аталған дәріс оқушылардың қауіпсіздік мәдениетін арттыруға ықпал етіп, олардың сақтық дағдыларын қалыптастыруға бағытталды.
