📌Назар аударыңыз, ата-аналар!
Ақтау қаласының №17 мектеп КММ әкімшілігі 2025–2026 оқу жылындағы соңғы қоңырау мен қорытынды аттестаттауды өткізуге қатысты маңызды ақпаратты назарларыңызға ұсынады. Бұл талаптар 4, 9 және 11-сынып түлектеріне де қатысты.
Педагогикалық әдепті сақтау және сыбайлас жемқорлықтың алдын алу мақсатында төмендегідей талаптар белгіленеді:
Мұғалімдерге қандай да бір сыйлықтар табыстауға, сондай-ақ осы мақсатта ақша жинауға қатаң тыйым салынады.
Іс-шараларды өткізу үшін аниматорларды, мерекелік агенттіктерді және бөгде студияларды шақыруға тыйым салынады.
Оқушылар мен ата-аналардан шаруашылық-тұрмыстық заттарды сатып алуға немесе жөндеу жұмыстарын жүргізуге ақша жинауға жол берілмейді.
Оқушылардың қауіпсіздігін қамтамасыз ету мақсатында автокеруендер ұйымдастыруға, сондай-ақ ойын-сауық орталықтарына, мейрамханаларға, кафелерге және басқа да осындай орындарға баруға тыйым салынады.
Ата-аналарға мектеп ішінде де, мектептен тыс жерлерде де мерекелік дастархан ұйымдастыруға және осы мақсатта ақша жинауға тыйым салынады.
Қорытынды аттестаттау кезеңінде оқушылар мектеп формасын сақтап, тәртіпке бағынып, жауапкершілік танытуы тиіс.
Назар аударыңыздар: Бұл талаптар 4, 9 және 11-сынып оқушылары мен олардың ата-аналарына бірдей дәрежеде қолданылады.
Аталған шаралар қорытынды аттестаттаудың адал, ашық және әділ өтуін қамтамасыз етуге, сондай-ақ педагогикалық әдептің жоғары стандарттарын сақтауға бағытталған.
Құрметті ата-аналар! Осы талаптарға түсіністікпен қарап, олардың орындалуына мектеппен бірлесе қолдау көрсетулеріңізді сұраймыз.
