«Заң және тәртіп» жобасы аясында №17 жалпы білім беретін мектепте 11.03.2026 жылы 8 сынып оқушыларына құқықбұзушылықтың алдын алу мақсатында Қазақстан Республикасы Ішкі істер министрлігінің тапсырысымен түсірілген бейнефильм көрсетілді. Бейнефильмде нақты кейіпкерлердің өмірінен алынған оқиға негізінде жасөспірімдер арасындағы құқықбұзушылықтың себептері мен оның салдары баяндалады.
Фильм заң талаптарын бұзудың адам өміріне, болашағына және айналасындағы адамдарға тигізетін кері әсері нақты мысал арқылы көрсетілген. Кейіпкерлердің қателігі олардың өмірінде үлкен қиындықтарға әкелгені баяндалып, әрбір әрекет үшін жауапкершілік бар екені түсіндіріледі.
Көрсетілімнің мақсаты – оқушылардың құқықтық сауаттылығын арттыру, оларды заңды құрметтеуге тәрбиелеу және құқықбұзушылықтың алдын алу. Бейнефильм оқушыларға дұрыс таңдау жасаудың маңыздылығын түсіндіріп, тәртіпті болуға шақырады.
